الگاردينيا - مجلة ثقافية عامة - ابيات من شعر الدارمي مستوحى من أشعار الإمام الشافعي

ابيات من شعر الدارمي مستوحى من أشعار الإمام الشافعي

ميسون نعيم الرومي




ابيات من شعر الدارمي
 مستوحى من أشعار الإمام الشافعي

لاتـأسـَـف عـلى الچـَّـذاب .. والـمـالـَـه تـالي
دومـَـك تـظـل خـَـسـْـران .. والـعـمـر خـالـي
***
لاتـلـْـتـفـت لـلـخـان .. وامـشـي ابـطـَـريـقـَـك
تـلـْگـَـه چـثـيـرَه اصـحـاب .. بـيـهـم حـَـبـيـبـَـك
***
تـعـرف حـِـبـَّـيبك زيـن .. مـن رَمـْـشـَـة الـعـيـن
مـو بـالـحـَـچـي والـگول .. والـدَمـْـعـَـه بـالـطـيـن
***
الـدنـيـه بـيـهـَـه اهـواي .. صادگ وِچـَـذّاب
مـَـرض الـچـذب مـَـيـطـيـب .. مـايـنـفـَـع اعـتـاب
***
روحـَـك أمانـَه دوم .. لاتـنـْطي بـيـهـَــــه
تـِـنـْدَم تـعـيـش ابـضيـج .. واتـعـم عـَـليهـَه
***
لاتـامـن الـخـَـوّان .. لوحـلـَـف إيـمـان
كـلـْـمـا تـديـر اگـفـاك .. يـتـبـَـدَل الـوان
***
لو نـَـذل سـَـبـَّـك يـوم .. امـشـي وعـوفـَه
لاتـلـتـِـفـت ليـغـــاد .. مايـسـوَه لـوفـَـه
***
إحـذَر جـلـِـد كـل يـوم .. يـتـلـَوَّن ابـلون
بالحـَسـرَة تـبـْـقـَه اتـعـيـش .. مايـنفـَع العـون
***
إبـعـِـد عن الـبـَـذّات .. مايـحـْـفـِظ اعـهـود
ابـرخص الثـَمن وايـبـيع .. ماتـنـفـَع اوعود
***
يالتـوعـظ امن الشيـن .. وانـتـَه اغـرَگـِت بـيه
شـيـبـَـك إله حـوبات .. وانـتَ التـِزكـيـه
***
تـِـنـشـرغـَـسـيـل الناس .. اسـود غـَسيـلـَك
امصايـب تجي كـل يوم .. يـوم اوتـجـيـلـَك
***
كـلمـَن يـجـيه فـَـد يـوم .. يـتـوَسـَّـد الگـاع
اعـمالـَك التـشـفـَع ليـك .. واتخـَـلصك ابـساع
--------------
حزيران / 2017
ســــــــــتوكهولم

الأبراج وتفسير الأحلام

المتواجدون حاليا

597 زائر، ولايوجد أعضاء داخل الموقع