الگاردينيا - مجلة ثقافية عامة - شــوف العـيـن

شــوف العـيـن

ميسون نعيم الرومي



شــوف العـيـن

 

ليل الشعر ! ع المتنين – امطـَـرَّز نجم ع الجنبين
ليلو لمع .. مدري الماس – اتكحل الكحل شوف العين
اسهام اوتـِصـَـوّب لعيون
شچـَّـت اگليبي المفتون
صرت ابهواهه مجنون
بين الرصافه والكـَـرِخ – أنشـد وادور الصوبين
ليل الشعر ! ع  المتنين
***
هاي السمه اتشع انجوم – خضـَّـر عـشب بيه الوان
مر الحلو ابـْـلـحـْـظـَـه ! سـِـحـِـر – لاهـو إنـس لاهـو جـان
عطر البنفسج قداح
گبله وصل .. منه اوفاح
بدر الدجى هل اولاح
غنت بلابل ع الشجر – والصوت هز الوجدان
خـَـمـْـري يالـونـك حرّاگ – طعم العسل ع الشفتين
اتكحل الكحل شوف العين
***
رنـَّـة حجل لوخلخال ؟ – أسْـمـَع نغم من ابعيد
مرَّت ابوسط الحلوات – شـَـعّ البدر بين الغيد
ويه السمر غصن البان
عاج اولمع حلوه اسنان
والضحكه موجة نهران
لـَـفـَّـت حرير اعله الخصر – رَسـّْـمـَـة الحنه بالإيد
مثل الگمر هل اوراح – اتنطرچ من سنتين
ليل الشعر ! ع  المتنين
--------------------
شــــــباط / 2017
ســـــــــــــــتوكهولم

الگاردينيا: زهرتنا الرائعة:
 

الأبراج وتفسير الأحلام

المتواجدون حاليا

584 زائر، ولايوجد أعضاء داخل الموقع