ويـن انـروح ؟

ميسون نعيم الرومي


ويـن انـروح ؟

ويـن انـروح ؟ إحـْـنـَـه اتـهـَجـْوَلـْـنـَـه
ابـْـغـَـفـْـلـَه اوصرنـَـــه ابـلا عِـنــوان
 
اغـراب الـوَطـَـن ابـوَسـط اخـيـام
دَمـع اشــرَبـنـَـه او بـالأحـــزان
 
شـَـمـس الصيـف ابـجـَمـر اونـار
جــوع اومـطـر اوبـالأطـيـان
 
نِـسـْـوَه اطفـال ابـنـات اشـيـوخ
اعـصار الهـَـدّ ...هـَـدّ الـبـنـيـان
 
جـَـواز اعـراقي الچـان الفـوگ
ســدّوهـَـه ابـوجـهـَــه الـبـيـبـان
 
مـَـذبـوح الأمـَـل ابأحـْلامـَـه
بـَـحـر اويـبـلـَع  بـالـشـــبـّان
 
خـَـزنـَه انـّـهـبـَـت...نـَـفـط انـبـاگ
نـوّاب اعـْـتـاويـنـَه اســــمان
 
واحـدكم بـالـغـرْبـه ايـجـَـدّي
چـنـتـوا اتـدگــَّـون البـيـبـان
 
اشـوَكـت اتـشـبـعـون الله ايهـدْكـم
جـوگـَـتـكـم لـَـمـَّـة ذبـّـــــان
 
جـنـسـيـة اوعــدكـم مـزدوَجـَه
ماعـدكـــــم غـيـرَة أوطـان
 
احكومه امن الـشـَعـب إحـنـه انـريـــــد
اعـراقي انـعـَـمـْرَه اوكـل انـسـان
 
ايـد ابـإيــــد الـشـَـــعـب انـثـــور
حـتى انـحاكـم هـَـالـغـمــــان
 
ويـن انـروح ؟ إحـْـنـَـه اتـهـَجـْوَلـْـنـَـه
ابـْـغـَـفـْـلـَه اوصرنـَـه ابـلا عـنـوان
--------------------
كانون الثاني / 2017
ســــــــــــــتوكهولم

الگاردينيا: الشاعرة المتألقة / ميسون نعيم الرومي

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

559 زائر، ولايوجد أعضاء داخل الموقع