الگاردينيا - مجلة ثقافية عامة - حـَمـْودي احــَـميـّـد حـَمـّودي

حـَمـْودي احــَـميـّـد حـَمـّودي

ميسون نعيم الرومي
 
حـَمـْودي احــَـميـّـد حـَمـّودي

حـَمـْودي ! إسـمَ الله اسـمَ الله*
امـْحـَـصن ! مـَحـروس إبالله
 
انـسـيـت الصوبـَـه والـديـنـار؟
انـتَ اوبـابـَه ... جـَتـْكـم عِـلــَّـه
 
افـلوس اهـوايـه اتـعـادل وَزنـَـه
فـدوَه العـيـنـَه اوعـلى هالـطـَلـَّه
 
يـشـْگـَـه الـبـابـَه ايـبـوگ اويـنـْهـَب
يـنـسـَه ابــفـگـرَه الـراح اوولــّـه
 
حـَمـْودي احــَـميـّـد حـَمـّودي
حـَمـْودي: إسـمَ الله اسـمَ الله
***
حـَمـْودي ! امـدَلـَّـل يـابـابـَه
شـَـعـْـبـَك جايـع صايـر  نـار
 
اتـخـورَد مـن خـيـر الـبـابـَه
دايـن شـَـعـْـبـَـك فـَـد مـلـيـار
 
مـَعـْروفـَه امـصيـبـَه اومـَكـْشـوفـَه
انـفـضحـَت حـَمودي الأسـرار
 
ثـار الـشـَـعـب ايـهـز الـدنـيـه
انـطـَشـّـر بـيـكـم طـشـّـار
 
حـَمـْودي احــَـميـّـد حـَمـّودي
حـَمـْودي: إسـمَ الله اسـمَ الله
***
احمـَـيـّـد تـشـرد ويـن اتـروح ؟
انـت اوبـابـَه اوبـاقي الـشِـلــّـه ؟
 
شـَـعـبي الـثـايـــر ما يـتـْـراجَع
اشـمال اعـمـارَه اوغـَـرب اوحـلـّه
 
افـلـوس الـشـَـعـب الـبـيـهـَه اتـبـَذّر
بـاچـِـر يـرْجـَع خايـب كـلـَّـه
 
بـالـوَطـَن اونـحـْلـِف وابـشـَعـْبـَه
انـقـاضيـكـم لازم ! إي والله
 
حـَمـْودي احــَـميـّـد حـَمـّودي
حـَمـْودي: إسـمَ الله اسـمَ الله
------------------
* حـَمـْودي:- أحمد نوري المالكي
***
اكتوبر / 2015
ســــــــــتوكهولم

الأبراج وتفسير الأحلام

المتواجدون حاليا

452 زائر، ولايوجد أعضاء داخل الموقع