حيّاكم ياشعب بلادي

حذام الحدّاد

حيّاكم ياشعب بلادي

حيّا الله أبطال الساحات

 

حطْ ايدي بأيدك ومشينه

نرفع أعلامك رايات

 

أمْشِي نحاسب كلْ مقصّر

والبايگ منّه الثروات

 

سنين سنين ومرّت ْ بينه

ماشفْنه كل اصلاحات

 

شفنه  أيتام وأرامل

نابتهم بس اللوعات

 

وشفنه فقر وذل وجوع

أبْـوَطَن كلَّه خيرات

 

شفنه الدم الغرَّگ گاعي

والذبح  عالهويّات

 

چم حسين الهدرو دمَّه

وچم عمر أبگاعي مات

 

وشفنه نقمتهم عالوَطن

وتَكفير لكل لديانات

 

والمو مسلم هَم ماسلم

ذبحوه مثل ذبح الشاة

 

وانباع كل مَجده المضَه

وانباعن الماجدات

 

ونوّابي كل همهم لَفطْ

عبّو البنوگ حسابات

 

 أوحصَّتنه من كل النفط  

  بس عبوات وتفجيرات

 

حَرْ الصيف ويسمط بينَه

 ويدرون الماعدهم ذات

 

وچم مرّه تضاهرنَه وصحنَه

ردنَه يوفرون  الخدمات

 

ماسمعونه ولا عبرونه

وماحسو هذي  المعاناة

 

بثوب الدين تغَطّه الرّاعي

ونعَرْفه  عدَّه حسابات

 

حسباله مانكشف چذبه

 بساعة نطَيّرْ العْمامات

 

مو أحنه أولاد الملحة

وأحنه من أعرق حضارات

 

خل ننهض يلَّه نحاسبهم

الردّونه العَهد الظلمات

 

 حيّاكم ياشعب بلادي

حيّا الله أبطال الساحات




ستوكهولم

21.8.21 

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

530 زائر، ولايوجد أعضاء داخل الموقع