هـَـــــدَّوْ على الكتــّـاب

التفاصيل

تم إنشاءه بتاريخ الخميس, 09 تموز/يوليو 2015 22:25

كتب بواسطة: ميسون نعيم الرومي

ميسـون نـعيـم الرومي
 

امهاجر يـطير الـدّوح رايـح الـبـَـغـدادْ ؟ ـ
راح الـعـلـم يا (طير) گلـّه امن ادينه
 
گـِـلـَّـه نـجـوم  اهواي غيـّـبـهـَه  الـفـراگ
گـِـلـَّـه الـظـلـم  يا (طير) خـَـيـم عـَـلـيـنـَـه
 
كـَـتـل الأدَب يا(طير) عـدهـم مـبـاحـاتْ
كـَـسـر الـقـَـلـَـم بـالإيـد واحـنـَـه انـسـبـيـنـَـه
 
هـذا الـتـَـتـَـر هـاليـوم واحـفـادَه ويـّـاه
هـَـدَّوْ عـلـى الـكـّـتـاب وإحـنـَـه انـغـزيـنـَـه
 
أهـل الـفـكـر أقـلام فـضحـَـو دَجـَـلـهـم
والـدَجـَـل إلـهـم صيـت مـتـرَحـمـيـنـَـه
 
لـو كِـسرَوْ الأقـلام طـشـّـوْ حِـبــِـرهـه
ادمـانـه اوتـصيـر احـبـار ! نفضـح الـشـّـيـنـَـه
 
مـاتـسـكـت الأقـلام تـكـتـب حـقـايـق
واتـدَون الـتـاريـخ وامـأرخـيـنـَـه
 
*يـوسـف..خـَـلـيـل..اويـاه حـتـى الرفـاعـي
رفـعـَـو إسـم بـَـغـداد واحـنـَـه الـعِـلـيـنـَـه
 
هـَـدَّوْ عـَـلـيـنـَـه اشـرار كـفـرَوْ بـالـكـتـابْ
وَجـَّـوْ اوبـيـهـَـه الـنـار وامـحـَـرفـيـنـَـه
 
شـنـهـي هـذولـَـه امـنـيـن كـلـهـم حـثـالات
خـالـقـهـم الله اشـلون مـن فـَـرد طـيـنـَـه؟
 
بـالـسـبـح خِـبـرَه اهـواي لـبـسـَـوْ مـَـحـابـس
واتـعـَـلـِگـوْ بـالـديـن وامـشـوهـيـنـَـه
 
مـالـَـك تـهـد عَ الـدار ... دار الـثـَـقـافـات
فـَـلـَّـشـت بـيـهـه اولـيـش واحـنـَـه الـبـنـيـنـَه
 
گـَـبـلـَـك ولـونـَـه اشـرار مـحـتـرف إجـرام
عـدمـوْ عـراق الـخـيـر وامـهـدمـّـــينـه
 
صَفـَّـگـنـَـه جـيـت الـيـوم مـنـقـذ  لـلـديـار
ضنـيـنـَـه بـيـك الـخـيـر واتـفـَـشـلـيـنـَـه
 
چـَـم دگـَّـه واتـدگـون دَگـَّـة جُـبـِن لـيـش
بـعـتـوْ الـوَطـَـن دولار وامـهـَـربـيـنـَـه
 
شـَـلـِّه إردانـَـك گـوم إكـنـس اونـَـظـّـف
حـزبـَـك اوإبـدي اوبـيـه واحـفـظ الـعـيـنـَـه
 
إحـذَر عـَـزيـز القـوم بـالـَـك تِـذلـَّـه
شـَـعـبـَـك شـعـب ثـوّار وامـصَبـريـنـَـه
 
أرد اسـأل الـتـاريـخ هـَـم كـتَـب تـاريـخ؟
الـشـَـعـَـب كـلــّــه ايـتـام وامـدَونـيـنـَـه
 
سـرجـون اكـَـد والأور سـومـَـر اوبـابـل
حـَـطـَّـوْ بـديـنـَـه اقـيـود وامـسـنـسـلـيـنـَـه
 
هـذا الـجـرَه والـصار وسـفـَـه عـلى الـصار
هـدْمـَـو وَطـَـنـَّـه اشـلـون وامـبـَـرْبـديـنـَـه
 
للأمـم گـلـنـَـه انـروح وانـسـَـوي شـَـكـوَه
مـَـحـَّـد نـصَفـنـَــه اوراد يـسـمـَـع حـَـچـيـنـَـه
 
امهاجر يـطير الـدّوح رايـح الـبـَـغـدادْ ؟ ـ
راح الـعـلـم يا (طير) گلـّه امن ادينه

ـــــــــــــــــــــــــــــــــــــــــــــــــــــــــــــ
*يـوسف : الفنان القدير يوسـف العاني
خليل : الفنان القدير المرحـوم خليل شوقي
الرفاعي : الفنان القديـر خليل الرفاعي
ستوكهولم
تموز /2015

الگاردينيا:الشاعرة المتألقة دوما / ميسون نعيم الرومي