الگاردينيا - مجلة ثقافية عامة - ماشا الله ابـْــلـَـيـَّـه حـَـسَــد

ماشا الله ابـْــلـَـيـَّـه حـَـسَــد

 

ميسون نعيم الـرّومِـي

ماشا الله ابليه حسد ـ عاشت الحريـّـه
الـفـُـقره حصـّـتهـه النفط ـ عِـدنه اشتراكيـه
لاكو بطاله اولا فـقـُـر
ودًّعـنه أيام الـــفگــر
راح الـعـسـر ! ويـن الـيـُـسـُـر
بـغـداد  كلهه  اتعمّرت ـ هالكلهـه مَـبنيـّـه
فـرحه اونعـيم اوهَم أمن ـ خيـر اورفاهِـيـّـه
كـُـلْ الـْـهَـله ابـطير السـعـد
ماشا الله ابلــيـّـه حـَـسَـــد

مَـدرسـه او عَ الـگاع الدرس ـ وانـريـد كـليـّـه
والــناس بالمـمحي قِـرت ـ مـاعِـــدنـه أمّـيـَـه
خـل نهتـف ايعيش الـقـلـم
وانـصـير قـوّاد الـسـلِـــم
نـرفـع ابـْهـالعالـَم عـَــلـَمْ
الـعِلمْ هنـدسـة الفـلـك ـ والـنـّـوب نِــسبيـّـه
نهتف او بس نحچي حـֿـچي : تسقـط الرجعيـّه
واحِـدنـه من يهتـف رَعـَـد
ماشا الله ابليـّـه حَــسـد

عبـعوب والصخـره اغلـگت ـ مَجـْره العطيفيـّـه
بـغـداد كلـهـه طوّفـت ـ حتى الـفضيليـّـه
صـارت السيـارّه طـشِـت
والـدّور كلهـه اتفلـشـّـت
والناس بـالمـاي اغـرگــَـت
من مـطره بـغـداد انسبت ـ گالت اللـّـوگِـيـه : ـ
صـوچ الـمجـاري اتطمطمـت ـ وابهـزّه أرضيـّـه
مـوت الكرفـكـُم واللـّـحـد
مـاشا الله ابلـيـّـه حـسَــد

نـواب عـدنـه امـهـتـلفـه ـ ابكـثـر الـجريـديـّه
نِـسـوان وابنصهـن زلِــم ـ عَ الـبـوگ مـهفيـّـه
الـْـصحـّـه هـالعـال الـعـال
واحِــدنـه مَــشـدوه الـبـال
والـمـوت أنـواع اشـكـــال
بطـّالـه ماظلــَّـت أبـد – نـهـضـه صـِـنـاعِـيـّه
والـريف كـلـّـه كـهـربـَـه ـ وابيـوت مـضـويـّـه
هـنـيال سـومـرنـَـه اوأكـَـد
مـاشا الله ابليـه حـسـد

سـبـتـمـبـَـر / 2014
سـتوكهـولم

الأبراج وتفسير الأحلام

المتواجدون حاليا

448 زائر، ولايوجد أعضاء داخل الموقع