الگاردينيا - مجلة ثقافية عامة - امـْـوادعـــيــك

امـْـوادعـــيــك

 

ميسـون نـعيم الرومي

امْوادعـــيـــكْ
يا عِــراقْ الخـيـَـرْ
 إحنـَه اموادعـيـكْ
لو بـقـَـه من عمري لـَحْظـَه
ابغيـرَكْ اشـْـلونْ آنـه أرضـَه
وانـْـتَ بانـْـفـاسي عَـبـْـيـــرْ
على أضلوعي
 آنـَه أتـْـوَچـَّــه اوأجــيكْ
امْوادعيـكْ

إحْنـَه دَمْعَـه ابْـرِمِشْ عيـَـنـَـكْ
تــغـْـفـَـه بـِـجـْـفـونـَـكْ قـَـهـَــرْ
هـَـدْهـَـه تـَـعـَّـبـهـَـه السَـهـَـرْ
تـِـشـْـكي مـنْ عـنـْـدَكْ إليـَـكْ
امْوادعـيـكْ
صِرْنـَـه شـَـمْعـَـه
ذابَـتْ اوتِـبْچـي عَـليـَـكْ
وآنه الـْـعي دومْ انـوحـَـنْ
وأنـتَ تـدْريـني يَـغالي
اوبالجـِـرالي
هـذا حالي
هايـْـمَـه اوأسـألْ عَـليَـكْ
امْـوادعـيكْ

جـَـنـّــة الوادِمْ وَطـَـنهـَـه
او دنـْـيَة العاشگْ يحبْهـَـه
وانـتْ يـَـحبيـّـبْ أحــبّــكْ
كـونْ گاعـَـكْ كلهـَه الِـمهَـه
وآنـَـه هالـمَـطـْـرودْ مِـنــّـكْ
والـْبـِـعـِـد للـرّوحْ سَــلـهـَـه
كـونْ أموتـَـنْ بـيــنْ إديـَـكْ
امْـوادعـيكْ

ولـْـدَكْ احْـنـَـه
ابـْحضنْ گاعَـكْ
هالربيـَـنـَـه
ارضَعْـنـَه مايَـكْ من فراتـَـكْ
مالگيَـنـَـه
 أُبُـو مثـْـلـَـكْ بالدَلالْ
اودجْلتـَـكْ مايَه زلالْ
هـالربينـه بين اديــكْ
امْـوادعـيكْ


إحْنـَه دَمْنـَه سالْ لـَجـْـلـَكْ
اعْـزازي عـندَكْ وَدْعـيَـتْ
وافـْخـَرْ ابْـدَرْبَـكْ مشـيـَـتْ
شِـفِـتْ روحي آنـه بـيــكْ
گـَـلبي دومَـه ايْـرفْ عَليَـكْ
امْوادعـيكْ

يا حَسـافـَه ضعْـنـَه كِـلنـَه
اوتاه بـيـنـَـه كل دَربْـنـَـه
واحْنـَه عـَـمـَّرْنـَه اوبنينَه
حَـق علينـَه اوْ لاهي مِـنـَّـه
ردْنـَه نـنـْسَـه أوما نسيـَـنـَه
گـلـْـنـَـه نـرْجَعْ والوَطـَـنـَّـه
اومالگـيَـنـَـه
بَـسْ خـَـرايـبْ والضبـاعْ
غيرْ حَـسْرَه أوبَـسْ ضيـاعْ
غـرْبَـه بـرَّه ، او غـرْبَـه بيكْ
امْوادعـيكْ

ردْنـَــه حـَـقــنـَـه
والـْـنـَـه يـوميَّـه شـَـهـيـدْ
آدم ابْـنـَـكْ تـدري جَـدْنـَـه
ابليـَـلـَـه سـودَه وانطـردْنـَه
صِرنـَه من دونـَـكْ عَـبـْـيـدْ
ذبْـحـَـوْ ابـّــــاطـِـلْ ولدْنـَـه
ما سـلـَـمْ حتى عَـرضنـَه
صرْنـَه أشـْـلاءْ ابـْـوطنـَّـه
عالم أغـْـبـَرْ ما نصفــْـنـَه
لا غـَريب ... اولا شـَريـكْ
سـايـمـَه الله عــليـَـكْ
امْوادعـيكْ
امْوادعـيكْ
امْوادعـيكْ


آب / 2014
ســـــتوكهولم
 
 

الأبراج وتفسير الأحلام

المتواجدون حاليا

416 زائر، ولايوجد أعضاء داخل الموقع